Meänkieli (tornedalsfinska)
Tervetuloa Jystiitsiekanslerin tykö
Jystiitsiekansleri oon hallituksen alhainen viranomhainen. Met olema Riddarholmenilla Stockholmissa ja meitä oon 25 työntekiää. Viranomhaisen päätehtävät oon ette
– hallituksen puolesta valvoa viranomhaisia ja tuomioistuimia
– eustaa valtiota kiistoissa (tvister) tuomioistuimissa
– säänöstellä vahinkonkorvaus-vaatimukset valtiota vasthaan
– olla syyttäjä painovaphaus- ja sanavaphaus-oikeusasioissa, ja
– olla hallituksen jyriitinen neuonantaja.
Met valvoma kans oikeusapu-systeemiä ja Asianajajaliiton kuritoimintaa (disciplin-). Met puolustamma privaattielämää eri yhtheyksissä, perätikki ko oon kyse kaameravalvonasta. Ja joskus eustamma valtiota työnantajanna. Lyhysti saattaa sanoa ette Jystiitsiekansleri (JK) oon valtion etumainen jyriitinen eustaja eli ”valtion jyristi”.